மழைநீரில் தத்தளிக்கும் அரசு மருத்துவமனை பிரசவ வார்டு!

நாமக்கல் மாவட்டம், ராசிபுரத்தில் வெளுத்து வாங்கிய கனமழையால், அரசு மருத்துவமனை பிரசவ வார்டில் மீண்டும் மழைநீர் சூழ்ந்தது. இதனால் நோயாளிகள் மற்றும் குழந்தைகள் அவதி அடைந்தனர்.

ராசிபுரம் மற்றும் சுற்றுவட்டார பகுதிகளான மெட்டாலா, முள்ளுக்குறிச்சி, மங்களபுரம், வடுகம், சிரப்பள்ளி மற்றும் வெண்ணந்தூர் உள்ளிட்ட பகுதிகளில் காற்றுடன் கூடிய கனமழை பெய்தது.

இதனால், பழைய பேருந்து நிலையம், கடைவீதி உள்ளிட்ட பகுதிகளில் ஏராளமான வீடுகளில் மழைநீர் புகுந்தது. தாழ்வான பகுதிகளில் மழை நீருடன், கழிவுநீரும் கலந்து புகுந்தால் நோய்த் தொற்று ஏற்படும் என பாதிக்கப்பட்ட மக்கள் அச்சம் தெரிவித்தனர்.

மேலும், அரசு மருத்துவமனை பிரசவ வார்டில் மீண்டும் வெள்ளநீர் சூழ்ந்ததால் நோயாளிகள் மற்றும் குழந்தைகள் என்ன செய்வது என தெரியாமல் தவித்தனர்.