மேட்டுப்பாளையம் அருகே வெள்ளத்தில் மூழ்கிய உயர்மட்ட பாலம் - படகு சேவை தொடக்கம்!

கோவை மாவட்டம் மேட்டுப்பாளையம் அருகே உள்ள லிங்காபுரம், காந்தவயல் இடையிலான உயர்மட்ட பாலம் பவானி ஆற்று வெள்ளத்தில் மூழ்கிய நிலையில் பொதுமக்கள் வசதிக்காக இயந்திர படகு சேவை தொடங்கப்பட்டது.

Advertisement

சிறுமுகை அருகே உள்ள லிங்காபுரம் உயர்மட்ட பாலம் பவானி ஆற்றில் ஏற்பட்ட வெள்ளப் பெருக்கால் மூழ்கியது. இதனால் லிங்காபுரம் மக்கள் காந்தவயல், மொக்கை மேடு, உளியூர் உள்ளிட்ட கிராமங்களுக்கு செல்லவும், அங்கு இருக்கக்கூடிய மக்கள் லிங்காபுரம் வந்தடையவும் சிரமப்பட்டனர்.

இதையடுத்து மாவட்ட நிர்வாகத்தின் சார்பில், பள்ளி மாணவர்கள் மற்றும் பொதுமக்கள் இலவசமாக சென்றுவர இயந்திர படகு சவாரி தொடங்கப்பட்டுள்ளது.

பணிக்கு செல்வோரும், பள்ளி, கல்லூரிகளுக்கு செல்வோரும் இதன் மூலம் பயன்பெறுவர் என சிறுமுகை பேரூராட்சி நிர்வாகத்தின் சார்பில் தெரிவிக்கப்பட்டுள்ளது.