வணிக பயன்பாட்டு சிலிண்டர் விலை அதிரடி உயர்வு!

சென்னையில் வணிக பயன்பாட்டுக்கான சிலிண்டர் விலை 61 ரூபாய் 50 காசுகள் அதிகரித்து, ஆயிரத்து 964 புள்ளி 50 காசுகளுக்கு விற்பனை செய்யப்படுகிறது.

சமையல் எரிவாயு சிலிண்டர்கள் விலை மாதந்தோறும் 1-ஆம் தேதி மாற்றியமைக்கப்பட்டு வருகிறது.

அதன்படி, எண்ணெய் நிறுவனங்கள் வெளியிட்டுள்ள அறிவிப்பின்படி வணிக பயன்பாட்டு சிலிண்டரின் விலை அதிகரித்துள்ளது.

சென்னையில் 19 கிலோ எடை கொண்ட வணிக பயன்பாட்டிற்கான சிலிண்டர் விலை 61 ரூபாய் 50 காசுகள் அதிகரித்து, ஆயிரத்து 964 ரூபாய் 50 காசுகளாக நிர்ணயம் செய்யப்பட்டுள்ளது.

மேலும், 14 கிலோ எடை கொண்ட வீட்டு உபயோக சிலிண்டர் விலை மாற்றமின்றி 818 ரூபாய் 50 காசுகள் என்ற நிலையில் நீடிக்கிறது.