வாகன தணிக்கையில் மது போதையில் போலீசாரை தாக்கிய 2 இளைஞர்கள் கைது!

சேலத்தில் வாகன தணிக்கையின்போது போலீசாரை தாக்கிய 2 இளைஞர்கள் கைது செய்யப்பட்டு சிறையில் அடைக்கப்பட்டனர்.

சூரமங்கலம் காவல் நிலையத்தில் பணியாற்றும் தலைமை காவலர் உலகநாதன், ரெட்டிபட்டி சந்திப்பில் வாகன தணிக்கையில் ஈடுபட்டிருந்தார்.

அப்போது அந்த வழியாக மது போதையில் இருசக்கர வாகனத்தில் அதிவேகமாகச் சென்ற நபிக், இளவரசன், அஜய் ஆகியோரை தலைமை காவலர் தடுத்து நிறுத்தினார். இதனால் ஆத்திரமடைந்த அவர்கள், தலைமைக் காவலர் உலகநாதனிடம் தகராறில் ஈடுபட்டு அவரை தாக்கிவிட்டு அங்கிருந்து தப்பிச் சென்றுள்ளனர்.

இதுகுறித்த புகாரில் நபி, இளவரசன் ஆகிய இருவரையும் கைது செய்த போலீசார், அவர்கள் மீது 2 பிரிவுகளில் வழக்குப்பதிவு செய்து சிறையில் அடைத்தனர். தப்பியோடிய அஜய் என்பவரை தேடி வருகின்றனர்.