விமானத்தில் ரம்மி விளையாடிய பயணிகள் - உரிய நடவடிக்கை எடுக்க வலியுறுத்தல்!

விமானத்தில் ரம்மி விளையாடிய பயணிகள் மீது உரிய நடவடிக்கை எடுக்க வேண்டும் என சக பயணிகள் கோரிக்கை விடுத்துள்ளனர்.

திருச்சியிலிருந்து நேற்று இரவு தாய்லாந்து சென்ற தாய் ஏர் ஏசியா விமானத்தில் பயணிகள் சிலர், சக பயணிகளுக்கு தொந்தரவு ஏற்படுத்தும் வகையில், அதிக சத்தம் எழுப்பியவாறு ரம்மி விளையாடியுள்ளனர்.

இது தொடர்பாக, விமான ஊழியர்கள் பலமுறை எச்சரித்தும் அவர்கள் கண்டு கொள்ளாமல் ரம்மி விளையாடியுள்ளனர். இது போன்ற செயல்கள் வெளிநாட்டினர் மத்தியில் நமது நாட்டின் மாண்பை கெடுக்கும் என்பதால், உரிய நடவடிக்கை எடுக்க வேண்டும் என பயணிகள் வலியுறுத்தியுள்ளனர்.