சென்னை வேளச்சேரியில் சாலையை ஆக்கிரமித்து அதிமுக பேனர் - கடும் போக்குவரத்து நெரிசல்!

சென்னை வேளச்சேரியில் கோயிலை மறைக்கும் வகையில், அதிமுக சார்பில் வைக்கப்பட்ட வரவேற்பு பதாகையால் பக்தர்கள் அதிருப்தி அடைந்தனர்.

Advertisement

சென்னை வேளச்சேரி காந்தி சாலையில் எம்ஜிஆரின் 108-வது பிறந்த நாளையொட்டி அதிமுக சார்பில் பொதுக்கூட்டம் நடைபெற்றது. இதற்காக சிவசக்தி செல்வ கணபதி கோயிலின் முன்பு உயரமான வரவேற்பு பதாகையை அதிமுகவினர் அமைத்திருந்தனர். இந்த வரவேற்பு பதாகை கோயிலை மறைக்கும் வகையில் அமைக்கப்பட்டதால் பக்தர்கள் அதிருப்தி அடைந்தனர்.

அத்துடன் வரவேற்பு பதாகை சாலையை ஆக்கிரமித்து வைக்கப்பட்டிருந்ததால், சுமார் 2 கிலோ மீட்டர் தூரத்துக்கு கடும் போக்குவரத்து நெரிசல் ஏற்பட்டது. இதனிடையே அதிமுகவினர் சாலையில் வெடித்த பட்டாசுகளால் ஏற்பட்ட இரைச்சலால் பாதசாரிகளும், வாகன ஓட்டிகளும் சிரமத்திற்குள்ளாகினர்.