ஸ்ரீரங்கம் அரங்கநாத சுவாமி கோயிலில் ரூ.1.18 கோடி உண்டியல் காணிக்கை!

திருச்சி ஸ்ரீரங்கம் அரங்கநாத சுவாமி கோயிலில் உண்டியல் காணிக்கையாக 1 கோடியே 18 லட்சம் ரூபாய் கிடைத்துள்ளது.

Advertisement

ஸ்ரீரங்கம் அரங்கநாத சுவாமி கோயிலில் பக்தர்கள் செலுத்தி வரும் உண்டியல் காணிக்கை மாதந்தோறும் எண்ணப்பட்டு வருகிறது. அந்த வகையில், காணிக்கையை எண்ணும் பணி கோயிலின் கருட மண்டபம் அருகே நடைபெற்றது.

கோயில் இணை ஆணையர் மாரியப்பன் முன்னிலையில் கல்லூரி மாணவர்கள், கோயில் பணியாளர்கள் உள்ளிட்டோர் காணிக்கை எண்ணும் பணியில் ஈடுபட்டனர். இப்பணிகள் முழுவதும் சிசிடிவி கேமரா வாயிலாக கண்காணிக்கப்பட்டது.

உண்டியல் காணிக்கையாக 1 கோடியே 18 லட்சத்து 58 ஆயிரத்து 516 ரூபாய் ரொக்கம், 170 கிராம் தங்கம், 790 கிராம் வெள்ளி மற்றும் 291 வெளிநாட்டு கரன்சிகள் கிடைக்கப் பெற்றதாக கோயில் நிர்வாகம் தெரிவித்துள்ளது.