ஹிமாசல பிரதேச முதல்வருக்காக தயாரான சமோசா மாயம் - விசாரணை நடைபெறுவதாக பாஜக விமர்சனம்!

ஹிமாசல பிரதேச முதலமைச்சர் சுக்விந்தர் சிங் சுகு பங்கேற்ற விழாவில், அவர் சாப்பிடவிருந்த சமோசா மாயமானது சர்ச்சைக்குள்ளானது.

Advertisement

சிம்லா சிஐடி தலைமையகத்தில் அண்மையில் நடைபெற்ற நிகழ்ச்சியில் ஹிமாசல பிரதேச முதலமைச்சர் சுக்விந்தர் சிங் சுகு பங்கேற்றார். விழா முடிந்ததும் அவருக்குப் பரிமாற சமோசா தயாராக இருந்தது.

விழா முடிந்து அதிகாரிகள் பார்த்தபோது சமோசாவை காணவில்லை என கூறப்படுகிறது. இதனால் சுக்விந்தர் சிங் சுகு ஏமாற்றம் அடைந்ததாக தகவல் வெளியானது.

இந்நிலையில், முதலமைச்சர் சாப்பிடவிருந்த சமோசா மாயமானது தொடர்பாக சிஐடி விசாரணைக்கு உத்தரவிடப்பட்டதாக பாஜக விமர்சித்தது. இதை மறுத்த சிஐடி இயக்குநர் ஜெனரல் சஞ்சீவ் ஓஜா, இது தங்களது துறைசார்ந்த பிரச்னை என்றும், இதுதொடர்பாக விசாரணை நடைபெறவில்லை என்றும் விளக்கமளித்தார்.