10 நிமிடங்களில் 1, 200 வகையான ஆம்லேட்டுகள் தயாரிப்பு - தனியார் கல்லூரி மாணவர்கள் சாதனை!

10 நிமிடங்களில் ஆயிரத்து 200 வகையான ஆம்லேட்டுகளை தயார் செய்து தனியார் கல்லூரி மாணவர்கள் உலக சாதனை படைத்துள்ளனர்.

செங்கல்பட்டு மாவட்டம் ஆத்தூர் அருகே செயல்பட்டு வரும் தனியார் கல்லூரியில் குறைந்த நேரத்தில் அதிக ஆம்லேட்டுகளை தயார் செய்து உலக சாதனை படைக்கும் நிகழ்ச்சி நடைபெற்றது.

இந்த நிகழ்ச்சியில் மாவட்ட ஆட்சியர் அருண்ராஜ் சிறப்பு அழைப்பாளராக கலந்து கொண்டு உலக சாதனை நிகழ்ச்சியை தொடங்கி வைத்தார். அப்போது 500 மாணவர்கள் சேர்ந்து வெறும் 10 நிமிடங்களில், ஆயிரத்து 200 வகையான ஆம்லேட்டுகளை தயார் செய்து உலக சாதனை படைத்தனர்.

பின்னர் மாணவர்கள் காட்சிப்படுத்திய ஆம்லேட்டுகளை பார்வையிட்ட மாவட்ட ஆட்சியர், அவற்றை சுவைத்து பார்த்து மாணவர்களை பாராட்டினார்.

இதனை ஜஸ்டின் உலக சாதனை நிறுவனம் உலக சாதனையாக அங்கீகரித்த நிலையில், இதில் பங்கேற்ற மாணவர்களுக்கு  விருதுகள் மற்றும் சான்றிதழ்கள் வழங்கப்பட்டன.