18 அம்ச கோரிக்கைகளுக்காக கூட்டுறவு சங்கத்தினர் ஆர்ப்பாட்டம்!

மதுரையில் உள்ள மாவட்ட மத்திய கூட்டுறவு வங்கி தலைமை அலுவலகத்தில், கூட்டுறவு வங்கி அனைத்து பணியாளர் சங்கம் சார்பில் 18 அம்ச கோரிக்கைகளை வலியுறுத்தி ஆர்ப்பாட்டம் நடைபெற்றது.

இதில் மதுரை மற்றும் தேனி மாவட்டங்களில் செயல்பட்டு வரும் நகர மற்றும் தொடக்க வேளாண்மை கூட்டுறவு கடன் சங்கங்களின் ஊழியர்கள் கலந்து கொண்டனர்.

அப்போது அரசாணைக்கு விரோதமாக அபராத வட்டி விதிப்பது, மகளிர் குழு கடனை அனுமதிக்க மறுப்பது உள்ளிட்டவற்றை கண்டித்து கோஷங்கள் எழுப்பப்பட்டன. தங்களது கோரிக்கைகள் நிறைவேறாத பட்சத்தில் வரும் 25-ம் தேதி தொடர் வேலை நிறுத்தம் நடத்தப்படும் எனவும் அவர்கள் அரசுக்கு எச்சரிக்கை விடுத்துள்ளனர்.