5,000 கிரஷர்கள் அனுமதி இல்லாமல் செயல்படுகின்றன : லாரி உரிமையாளர்கள் சங்கங்களின் கூட்டமைப்பு குற்றச்சாட்டு!

தமிழகத்தில் 5 ஆயிரம் கிரஷர்கள் அனுமதி இல்லாமல் செயல்பட்டு வருவதாக, மாநில மணல் லாரி உரிமையாளர்கள் சங்கங்களின் கூட்டமைப்பு குற்றம்சாட்டியுள்ளது.

Advertisement

சென்னையில் செய்தியாளர்களை சந்தித்த அந்த கூட்டமைப்பின்
மாநில தலைவர் யுவராஜ், குவாரிகளில் நடைபெறும் முறைகேடுகளுக்கு அரசு துணைபோவதாக விமர்சித்தார்.

தமிழகத்தில் கல்குவாரிகளுக்கு எந்த விதிமுறைகளும் இல்லை என கூறிய அவர், குவாரிகளில் நடைபெறும் முறைகேடுகளை தட்டி கேட்பவர்கள் கொலை செய்யப்படுவதாக குற்றம்சாட்டினார்.

கனிம வளம் குறித்த தங்கள் கோரிக்கைகளை அரசு நிறைவேற்றவில்லை என்றால் ஆளுநர் மாளிகையை நோக்கி பேரணியாக செல்வோம் எனவும் யுவராஜ் தெரிவித்தார்.