58-வது வயதில் குத்துச்சண்டை போட்டிக்கு திரும்பிய டைசன் - ஜேக் பாலிடம் தோல்வி!

அமெரிக்காவின் குத்துச்சண்டை ஜாம்பவானான மைக் டைசனை வீழ்த்தி சக அமெரிக்க வீரரான ஜேக் பால் வெற்றி பெற்றுள்ளார்.

Advertisement

அமெரிக்காவின் டெக்சாஸ் நகரில் பிரபல குத்துச்சண்டை ஜாம்பவான் மைக் டைசன் மற்றும் இளம் வீரர் ஜேக் பால் இடையே குத்துச்சண்டை போட்டி நடைபெற்றது. 2005-ம் ஆண்டு குத்துச் சண்டையில் இருந்து ஓய்வுபெற்ற மைக் டைசன், மீண்டும் தனது 58-வது வயதில் குத்துச் சண்டை போட்டிக்கு திரும்பியதால், இந்த போட்டி உலக அளவில் பெரும் எதிர்பார்ப்பை ஏற்படுத்தியது.

8 சுற்றுகளாக நடைபெற்ற இப்போட்டியில் 27 வயதான ஜேக் பால், குத்துச்சண்டை ஜாம்பவானான மைக் டைசனை வீழ்த்தி அசத்தினார். போட்டிக்குப் பின்னர் பேசிய மைக் டைசன் இதுதான் தனது கடைசி போட்டியாக இருக்கும் என்பதை  கூறமுடியாது என தெரிவித்தது குத்துச் சண்டை ரசிகர்களிடையே பெரும் வரவேற்பை பெற்றுள்ளது.