90 காலிப்பணியிடங்கள் - டிஎன்பிஎஸ்சி குரூப் 1 முதன்மை தேர்வு தொடக்கம்!

தமிழகம் முழுவதும் 90 காலிப்பணியிடங்களை நிரப்புவதற்கான டிஎன்பிஎஸ்சி குரூப் 1 முதன்மை தேர்வு தொடங்கி நடைபெற்று வருகிறது.

துணை ஆட்சியர், துணை காவல் கண்காணிப்பாளர் உள்ளிட்ட பணியிடங்களை நிரப்புவதற்காக தமிழக அரசு குரூப் 1 தேர்வை நடத்துகிறது. முதல்நிலை, முதன்மை, நேர்முகத்தேர்வு என மூன்று கட்டங்களாக இந்த தேர்வு நடைபெறும்.

முதல்நிலை தேர்வு கடந்த ஜூலை மாதம் 13ஆம் தேதி நடைபெற்ற நிலையில், அதில் தேர்ச்சி பெற்ற ஆயிரத்து 888 பேருக்கு இன்று முதல் டிசம்பர் 13-ஆம் தேதிவரை முதன்மை தேர்வு நடைபெறுகிறது. சென்னையில் 19 மையங்களில் தேர்வு நடைபெற்று வருகிறது.