98 % 2000 ரூபாய் நோட்டுகள் திரும்ப பெறப்பட்டு விட்டன - ரிசர்வ் வங்கி தகவல்!

புழக்கத்தில் இருந்த இரண்டாயிரம் ரூபாய் நோட்டுகள் 98 சதவீதம் திரும்பப் பெறப்பட்டு விட்டதாக, ரிசர்வ் வங்கி தெரிவித்துள்ளது.

புழக்கத்தில் இருந்த இரண்டாயிரம் ரூபாய் நோட்டுகளை திரும்பப் பெறுவதாக ரிசர்வ் வங்கி கடந்த ஆண்டு மே 19ஆம் தேதி அறிவித்தது.

அப்போது 3 லட்சத்து 56 ஆயிரம் கோடி ரூபாயாக புழக்கத்திலிருந்த இரண்டாயிரம் ரூபாய் நோட்டுகளின் மதிப்பு கடந்த நவம்பர் 29ஆம் தேதி நிலவரப்படி 6 ஆயிரத்து 839 கோடி ரூபாயாகக் குறைந்தது. அதன்படி இரண்டாயிரம் ரூபாய் நோட்டுகள் 98 புள்ளி 08 சதவீதம் திரும்பப் பெறப்பட்டு விட்டதாக ரிசர்வ் வங்கி வெளியிட்டுள்ள அறிக்கையில் தெரிவிக்கப்பட்டுள்ளது.