இந்தியாவின் தவறான வரைபடத்தை பதிவிட்டு நீக்கிய திமுக அயலக அணி!

இந்தியாவின் தவறான வரைபடத்தை எக்ஸ் தளத்தில் பதிவிட்டு திமுக அயலக அணி சர்ச்சையில் சிக்கியுள்ளது.

திமுக ஆட்சியில் தமிழ்நாடு பொருளாதாரத்தில் உயர்ந்துள்ளதாக குறிப்பிட்டு திமுக அயலக அணி எக்ஸ் தளத்தில் பதிவு ஒன்றை வெளியிட்டது.

அதில் ஜம்மு காஷ்மீரை சீனா மற்றும் பாகிஸ்தான் ஆக்கிரமித்தது போன்ற இந்திய வரைபடம் இடம்பெற்றிருந்தது. இதனால் திமுக அயலக அணி பெரும் சர்ச்சையில் சிக்கிய நிலையில், எக்ஸ் தளத்தில் பலரும் இதற்கு கண்டனம் தெரிவித்தனர்.

கண்டனங்கள் வலுக்கத்தொடங்கியதை அடுத்து திமுக அயலக அணி சர்ச்சைக்குரிய புகைப்படத்தை நீக்கியது. மீண்டும் இந்தியாவின் வரைபடத்தை பகிர்ந்துள்ளது.

முன்னதாக இந்தியாவின் விண்வெளித் துறைமுகத்தைக் கொண்டாடும்போது சீன ராக்கெட்டுகளை திமுக ஐடி விங் காட்சிப்படுத்திய நிலையில், தற்போது இந்தியாவின் தவறான வரைபடத்தை வெளியிட்டு 2வது முறையாக திமுக சர்ச்சையில் சிக்கியுள்ளது.