இரட்டை அர்த்தத்தில் பேசிய உடற்கல்வி ஆசிரியர்! : பள்ளியை முற்றுகையிட்ட பொதுமக்கள்!

உடன்குடியில், தனியார் மெட்ரிக்குலேசன் பள்ளி மாணவிகளிடம் இரட்டை அர்த்தத்தில் பேசிய உடற்கல்வி ஆசிரியர் மீது நடவடிக்கை எடுக்க வலியுறுத்தி பொது மக்கள் முற்றுகையிட்டனர்.

Advertisement

தூத்துக்குடி மாவட்டம் உடன்குடியில் அமைந்துள்ள தனியார் மெட்ரிக்குலேசன் மேல்நிலைப் பள்ளியில், உடற்கல்வி ஆசிரியராக பணியாற்றி வரும் பொன்சிங், கடந்த அக்டோர் 22-ஆம் தேதி மாவட்ட அளவில் நடைபெற்ற விளையாட்டு போட்டிகளில் கலந்து கொள்வதற்காக மாணவ, மாணவிகளை தூத்துக்குடிக்கு அழைத்து சென்றுள்ளார்.

போட்டி முடியாததால், அங்குள்ள ஹோட்டலில் அறை எடுத்து தங்கியுள்ளனர். அப்போது மாணவிகளிடம் இரட்டை அர்த்த வார்த்தைகளை உடற்கல்வி ஆசிரியர் பொன்சிங் பேசியதாக கூறப்படுகிறது.

இதுகுறித்து மாணவிகள் அளித்த புகாரின் பேரில் பெற்றோர்கள் பள்ளியை முற்றுகையிட்டனர். இதனிடையே கோவைக்கு தப்பிச் சென்ற உடற்கல்வி ஆசிரியர் பொன் சிங் தனிப்படை போலீஸாரால் கைது செய்யப்பட்டார்.