இருசக்கர வாகனங்கள் மோதி விபத்து!

நாமக்கல் மாவட்டத்தில் இரண்டு இருசக்கர வாகனங்கள் நேருக்குநேர் மோதிக் கொண்ட விபத்தில் ஒருவர் உயிரிழந்தார். ஒரு பெண் உட்பட 2 பேர் படுகாயம் அடைந்தனர். இது தொடர்பான சிசிடிவி காட்சிகள் தற்போது வெளியாகியுள்ளன.

நாமக்கல் மாவட்டம் ராசிபுரம் ஆத்தூர் சாலையில் அதிவேகமாக சென்ற இருசக்கர வாகனம், மற்றொரு இருசக்கர வாகனம் மீது மோதியது. இதில், இருசக்கர வாகனத்தின் பின்னால் அமர்ந்து சென்ற ராசிபுரத்தைச் சேர்ந்த செல்வம் என்பவர் உயிரிழந்தார்.

இருசக்கர வாகனத்தை ஓட்டி வந்த குணா, சாலையில் சென்ற தேன்மொழி ஆகியோர் படுகாயமடைந்தர். இவர்கள் இருவரும் சிகிச்சைக்காக மருத்துவமனையில் அனுமதிக்கப்பட்டுள்ளனர்.