என்கவுண்ட்டர் செய்யப்பட்ட சீசிங் ராஜா தொடர்புடைய இடங்களில் சோதனை!

என்கவுண்ட்டர் செய்யப்பட்ட ரவுடி சீசிங் ராஜாவின் வீடு உள்பட 14-க்கும் மேற்பட்ட இடங்களில் போலீசார் தீவிர சோதனையில் ஈடுபட்டு வருகின்றனர்.

Advertisement

சென்னையில் 6 கொலை உட்பட 39 வழக்குகளில் தொடர்புடைய சீசிங் ராஜா, செப்டம்பர் 23-ம் தேதி என்கவுன்ட்டரில் சுட்டுக் கொல்லப்பட்டார். ஆம்ஸ்ட்ராங் கொலை வழக்கில் சீசிங் ராஜாவுக்கு தொடர்பில்லை என போலீசார் தரப்பில் தெரிவிக்கப்பட்டது.

இந்த நிலையில், என்கவுன்ட்டர் செய்யப்பட்ட சீசிங் ராஜாவின் வீடு மற்றும் அவர் தொடர்புடைய இடங்களில் உதவி ஆணையாளர் வைஷ்ணவி தலைமையில் போலீசார் தீவிர சோதனையில் ஈடுபட்டு வருகின்றனர்.

வில்லிவாக்கம், சேலையூர் உள்ளிட்ட 10-க்கும் மேற்பட்ட இடங்களில் சோதனை நடைபெற்று வரும் நிலையில் சட்டவிரோத பணப்பரிமாற்றம் ஏதேனும் நடைபெற்றுள்ளதா? என்பதை அறிய சோதனை நடைபெறுவதாக தகவல் வெளியாகியுள்ளது.