கமலவல்லி நாச்சியார் கோயிலில் 3-ஆம் நாள் ஊஞ்சல் உற்சவ விழா!

திருச்சி மாவட்டம் உறையூரில் உள்ள கமலவல்லி நாச்சியார் கோயிலில் மூன்றாம் நாள் ஊஞ்சல் உற்சவம் விமரிசையாக நடைபெற்றது.

பிரசித்தி பெற்ற இந்த கோயிலில் டோலோற்சவம் எனப்படும் ஊஞ்சல் உற்சவம் கடந்த 9ஆம் தேதி தொடங்கியது. விழாவின் 3-ஆம் நாளையொட்டி சிறப்பு அலங்காரத்தில் எழுந்தருளிய கமலவல்லி நாச்சியார் பக்தர்களுக்கு அருள் பாலித்தார். அதனைத்தொடர்ந்து நடைபெற்ற சிறப்பு பூஜைகளில் திரளான பக்தர்கள் கலந்துகொண்டு மனமுருக வழிபட்டனர்.