காற்றழுத்த தாழ்வு மண்டலம் வலுவிழந்தது - வானிலை ஆய்வு மையம் தகவல்!

வங்கக்கடலில் நிலை கொண்டுள்ள காற்றழுத்த தாழ்வு மண்டலம் வலுவிழுந்துள்ளதாக வானிலை ஆய்வு மையம் தெரிவித்துள்ளது.

இதுதொடர்பாக வானிலை மையம் வெளியிட்டுள்ள செய்திக்குறிப்பில், தென்மேற்கு வங்கக் கடலில் உருவான காற்றழுத்தத் தாழ்வு மண்டலம் வலுவிழந்து விட்டதாகவும்,

எனவே, 9 துறைமுகங்களில் ஏற்றப்பட்ட 1-ம் எண் புயல் எச்சரிக்கை கூண்டை இறக்க வேண்டும் என்றும் அறிவுறுத்தப்பட்டுள்ளது.

அதன்படி, சென்னை, கடலூர், நாகை, தூத்துக்குடி மற்றும் புதுச்சேரி துறைமுகங்களில் புயல் எச்சரிக்கை கூண்டை இறக்குமாறு வானிலை மையம் அறிவுறுத்தி உள்ளது.