குடிகாடு ஊராட்சியை கடலூர் மாநகரட்சியுடன் இணைப்பதற்கு எதிர்ப்பு!

குடிகாடு ஊராட்சியை கடலூர் மாநகராட்சியுடன் இணைப்பதற்கு எதிர்ப்பு தெரிவித்து சிறப்பு கிராம சபை கூட்டத்தில் தீர்மானம் நிறைவேற்றப்பட்டது.

குடிகாடு பல்நோக்கு புயல் பாதுகாப்பு மையத்தில் ஊராட்சி மன்ற தலைவர் தேவி சிவா தலைமையில் சிறப்பு கிராம சபை கூட்டம் நடைபெற்றது. இதில் ராசாபேட்டை, ஈச்சங்காடு, சங்கிலிகுப்பம் உள்ளிட்ட கிராமங்களை சேர்ந்த 200க்கும் மேற்பட்டோர் பங்கேற்றனர்.

தொடரந்து குடிகாடு ஊராட்சியை கடலூர் மாநகராட்சியுடன் இணைப்பதற்கு எதிர்ப்பு தெரிவித்து தீர்மானம் நிறைவேற்றப்பட்டது. மேலும் மக்களின் எதிர்ப்பை மீறி இந்த ஊராட்சியை மாநகராட்சியுடன் இணைத்தால் பல்வேறு கட்ட போராட்டங்கள் நடத்தப்படும் எனவும் அவர்கள் தெரிவித்தனர்.