சாலையில் சென்றபோது தீப்பிடித்து எரிந்த கார்!

சென்னை திருவான்மியூர் அருகே சாலையில் சென்றுகொண்டிருந்த கார் திடீரென தீப்பற்றி எரிந்தது.

Advertisement

சோழிங்கநல்லூரில் உள்ள தனியார் மென்பொருள் நிறுவனத்தில் பணியாற்றி வரும் ஜூடாத், வழக்கம்போல பணியை முடித்துவிட்டு காரில் வீடு திரும்பி கொண்டிருந்தார்.

அப்போது திருவான்மியூர் அருகே சென்றபோது காரின் முன்பகுதியில் இருந்து புகை வருவதைக் கண்ட அவர் வாகனத்தில் இருந்து வெளியேறினார்.

அப்போது கார் தீப்பற்றி எரிய தொடங்கியது. இதை கண்ட பொதுமக்கள் தண்ணீர் கேன்களை கொண்டுவந்து தீயை அணைக்க முயற்சி செய்தனர். பின்னர் அங்குவந்த தீயணைப்பு துறையினர் தீயை கட்டுக்குள் கொண்டு வந்தனர்.