சிபிஎஸ்இ +2 பொதுத் தேர்வு முடிவுகள் வெளியீடு!

நாடு முழுவதும் நடைபெற்ற சிபிஎஸ்இ பத்தாம் மற்றும் 12 -ம் வகுப்பு பொதுத்தேர்வுக்கான முடிவுகள் வெளியாகியுள்ளன.

மத்திய இடைநிலைக் கல்வி வாரிய பாடத்திட்டத்தின் கீழ் இயங்கும் பள்ளிகளில், 10 மற்றும் 12-ம் வகுப்பு மாணவர்களுக்கான பொதுத் தேர்வுகள் கடந்த மார்ச் மாதம் நடைபெற்றது. இந்த தேர்வை நாடு முழுவதும் 38 லட்சம் மாணவர்கள் எழுதினர்.

இந்நிலையில், சிபிஎஸ்இ 12ம் வகுப்பு பொதுத்தேர்வு முடிவுகள் வெளியாகியுள்ளன. www.cbse.gov.in என்ற இணையதளம் வாயிலாக மாணவர்கள் தங்களது தேர்வு முடிவுகளை பார்க்கும் வகையில் வழிவகை செய்யப்பட்டுள்ளது.

ஒட்டுமொத்தமாக 87 புள்ளி 98 விழுக்காடு மாணவர்கள் தேர்ச்சியடைந்துள்ளனர். கடந்த ஆண்டை காட்டிலும் பூஜ்ஜியம் புள்ளி 65 விழுக்காடு மாணவர்கள் அதிகமாக தேர்ச்சி அடைந்துள்ளனர். மேலும், இந்தாண்டு மாணவர்களை விட மாணவிகளே 6 புள்ளி 4 சதவீதம் அதிகமாக தேர்ச்சி பெற்றுள்ளனர்.