டாஸ்மாக் நிர்வாகம் பதிலளிக்க சென்னை உயர்நீதிமன்றம் உத்தரவு!

முறைகேடு புகார் தொடர்பாக டாஸ்மாக் நிர்வாக சுற்றறிக்கையை ரத்து செய்யக் கோரி, விற்பனையாளர்கள் நல சங்கம் தொடர்ந்த வழக்கில், டாஸ்மாக் நிர்வாகம் பதிலளிக்க சென்னை உயர்நீதிமன்றம் உத்தரவிட்டது.

மதுபானங்களை அதிக விலைக்கு விற்கும் டாஸ்மாக் விற்பனையாளர்கள், ஊழியர்கள் பணியிடை நீக்கம் செய்யப்படுவர் என டாஸ்மாக் நிர்வாகம் அண்மையில் சுற்றறிக்கை பிறப்பித்தது.

இதை எதிர்த்து தமிழ்நாடு டாஸ்மாக் விற்பனையாளர்கள் நலச் சங்கம் சார்பில் சென்னை உயர்நீதிமன்றத்தில் மனு தாக்கல் செய்யப்பட்டது.

இந்த மனு நீதிபதி பரத சக்கரவர்த்தி முன் விசாரணைக்கு வந்தபோது, சட்ட விரோதமான சுற்றறிக்கைக்கு தடை விதிக்க வேண்டும் என மனுதாரர் தரப்பில் வாதிடப்பட்டது.

அப்போது, டாஸ்மாக் நிர்வாகத்தின் கருத்தை கேட்டறியாமல், எவ்வித இடைக்கால உத்தரவும் பிறப்பிக்க முடியாது என கூறிய நீதிபதி,

மனுவுக்கு வரும் 27ஆம் தேதிக்குள் பதிலளிக்குமாறு டாஸ்மாக் நிர்வாகத்துக்கு உத்தரவிட்டனர்.