திருப்பதி ஏழுமலையான் கோயிலில் ஒன்பது டன் மலர்கள் மூலம் உற்சவர்களுக்கு புஷ்ப யாகம்!

திருப்பதி ஏழுமலையான் கோயிலில் உற்சவர்களுக்கு ஒன்பது டன் மலர்களால் புஷ்ப யாகம் நடத்தப்பட்டது.

ஆந்திர மாநிலம் திருப்பதியில் அமைந்துள்ள புகழ்பெற்ற திருமலை ஏழுமலையான் கோயிலில் ஆண்டுதோறும் புஷ்ப யாகம் நடைபெறுவது வழக்கம். இந்த ஆண்டிற்கான புஷ்ப யாகம் விமரிசையாக நடைபெற்றது.

ஒன்பது டன் எடையுள்ள 17 வகையான மலர்கள் மற்றும் 6 வகையான இலைகளை உற்சவர்களின் கழுத்தளவு வரை மூன்று முறை நிரப்பி கோயில் அர்ச்சகர்கள் புஷ்ப யாகம் நடத்தினர். இந்த புஷ்ப யாகத்தில் தேவஸ்தான அதிகாரிகள், பக்தர்கள் கலந்து கொண்டனர்.