தீபாவளிக்காக சொந்த ஊர் சென்ற மக்கள் - வெறிச்சோடி காணப்படும் சென்னை சாலைகள்!

தீபாவளி பண்டிகையை ஒட்டி சென்னை வாசிகள் தங்கள் சொந்த ஊர்களுக்கு சென்றுள்ளதால் முக்கிய சாலைகள் அனைத்தும் வெறிச்சோடி காணப்படுகின்றன.

Advertisement

சென்னையில் சாதாரன நாட்களில் காமராஜர் சாலை, அண்ணா சாலை, பெரியார் சாலை உள்ளிட்ட முக்கிய சாலைகள் போக்குவரத்து நெரிசலுடன் காணப்படும். தீபாவளி விடுமுறை காரணமாக சென்னையில் பணிபுரியும் மக்கள் தங்களது சொந்த ஊர்களுக்கு சென்றுவிட்டனர்.

இதனால் எப்போதும் வாகன நெரிசலுடன் காணப்படும் முக்கிய சாலைகள் தற்போது வெறிச்சோடி காணப்படுகின்றன. இதேபோல் தி.நகர், வண்ணாரப்பேட்டை எம்.சி ரோடு உள்ளிட்ட பகுதிகளில் கடந்த ஒரு வாரமாக கூட்டம் அலைமோதிய நிலையில், தற்போது அப்பகுதிகள் முழுவதும் வெறிச்சோடி காணப்படுகின்றன.