நிஜத்திலும், மனதிற்குள்ளும் நடைபெறும் போர்தான் கங்குவா - நடிகர் சூர்யா

நிஜத்திலும், மனதிற்குள்ளும் நடைபெறும் போர்தான் கங்குவா திரைப்படம் என, நடிகர் சூர்யா தெரிவித்துள்ளார்.

சென்னையில் கங்குவா படத்தின் செய்தியாளர் சந்திப்பு நடைபெற்றது. இதில் சூர்யா, இயக்குநர் சிவா, தயாரிப்பாளர் ஞானவேல்ராஜா உள்ளிட்டோர் கலந்துகொண்டனர். முதலில் பேசிய ஞானவேல்ராஜா, வடஇந்தியாவில் கங்குவா படத்திற்கு பெரிய எதிர்பார்ப்பு உள்ளதாகவும், விழா காலங்களில் இல்லாமல் தனியாக வெளியிடப்படுதால் 11 ஆயிரத்து 500 திரைகள் கிடைத்துள்ளதாகவும் கூறினார்.

பின்னர் பேசிய படத்தின் இயக்குநர் சிறுத்தை சிவா, படம் நன்றாக வர வேண்டும் என்பதற்காக அனைவரும் கடுமையான உழைப்பை செலுத்தியுள்ளதாக கூறினார். நினைத்தபடியே படம் நன்றாக வந்துள்ளதாக அனைவரும் தெரிவித்துள்ளதாகவும் அவர் குறிப்பிட்டார்.

இறுதியாக பேசிய நடிகர் சூர்யா, நான்கைந்து தீவுகளில் கதை நடைபெறுவதாகவும், நிஜத்திலும் மனதிற்குள்ளும் நடைபெறும் போர்தான் கங்குவா திரைப்படம் எனவும் கூறினார்.