பணம் மோசடி செய்த கட்டுமான நிறுவன தலைவர் கைது!

உதகையில் வீடுகள் கட்டித் தருவதாகக் கூறி பலரிடம் லட்சக்கணக்கில் பணம் மோசடி செய்த கட்டுமான நிறுவன தலைவரை மத்திய குற்றப்பிரிவு போலீசார் சென்னையில் கைது செய்தனர்.

Advertisement

சென்னை தியாகராய நகரில் நாதன் பவுண்டேஷன் என்ற பெயரில் சங்கரலிங்கம் என்பவர் கட்டுமான நிறுவனத்தை நடத்தி வருகிறார். கடந்த 2011 ஆம் ஆண்டு கிட்டத்தட்ட பத்திற்கும் மேற்பட்ட நபர்கள் இவரிடம் மனை மற்றும் வீடு கட்டுவதற்காக பணம் கொடுத்துள்ளனர் ஆனால் அந்த மனையில் வீடு கட்டுவதற்கான எந்த ஒரு பணியையும் அவர் தொடங்கவில்லை.

இதனால் பாதிக்கப்பட்டவர்கள், சென்னை பெருநகர காவல் துறை ஆணையர் அலுவலகத்தில் கடந்த வாரம் சங்கரலிங்கம் மீது புகார் அளித்திருந்தனர். புகாரின் அடிப்படையில் சென்னை மத்திய குற்றப்பிரிவு போலீசார் தலைமறைவாக இருந்த சங்கரலிங்கத்தை கைது செய்துள்ளனர்.