பத்ம விருதுக்கு தேர்வாகியுள்ளவர்களுக்கு முதல்வர் ஸ்டாலின் வாழ்த்து!

தமிழகத்தில் இருந்து பத்ம விருதுக்கு தேர்வாகியுள்ள அனைவருக்கும் முதலமைச்சர் ஸ்டாலின் வாழ்த்து தெரிவித்துள்ளார்.

இதுதொடர்பாக தனது எக்ஸ் தளப் பக்கத்தில் பதிவிட்டுள்ள அவர், )
பத்ம பூஷன் விருதுக்குத் தேர்வாகியுள்ள நடிகர் அஜித்குமார், நல்லி குப்புசாமி, ஷோபனா சந்திரகுமார் ஆகிய மூவருக்கும்,

பத்மஸ்ரீ விருதுக்குத் தேர்வாகியிருக்கும் அஸ்வின், குருவாயூர் துரை,
தாமோதரன், லக்‌ஷ்மிபதி ராமசுப்பையர், எ.டி.ஸ்ரீனிவாஸ், புரிசை கண்ணப்ப சம்பந்தன்,
ஆர்.ஜி.சந்திரமோகன், ராதாகிருஷ்ணன் தேவசேனாபதி, சீனி விஸ்வநாதன், வேலு ஆசான் ஆகியோருக்கும் தனது நெஞ்சார்ந்த பாராட்டுகளை உரித்தாக்கிக் கொள்வதாகக் கூறியுள்ளார்.

தத்தமது துறைகளில் தாங்கள் மென்மேலும் உயரங்களை அடைய வேண்டும் என்றும்,
தமிழ்நாட்டுக்குப் பெருமை சேர்க்க வேண்டும் எனவும் வாழ்த்துவதாகவும் தெரிவித்துள்ளார்.