பிரபல திரைப்பட தயாரிப்பாளருக்கு சொந்தமான நகை கடையில் கொள்ளை!

திரைப்பட தயாரிப்பாளருக்கு சொந்தமான நகைக்கடையில் 10 கிலோ வெள்ளி மற்றும் 5 லட்சத்தை திருடிச் சென்ற ஊழியரை போலீசார் தேடி வருகின்றனர்.

தமிழ் திரைப்பட பைனான்சியர் சந்திரபிரகாஷ் ஜெயினின் மகன் தினேஷ், சென்னை ஆழ்வார்பேட்டையில், வெள்ளி நகை விற்பனை செய்யும் கடை நடத்தி வருகிறார்.

இவரது கடையில் பெங்களூருவைச் சேர்ந்த பாபுலால் என்பவர் வேலை செய்து வந்தார். இவர், 5 லட்சம் பணம், 10 கிலோ வெள்ளி நகைகளை திருடிக் கொண்டு ஓடி விட்டதாக தேனாம்பேட்டை காவல் நிலையத்தில் புகார் அளிக்கப்பட்டது. இதையடுத்து போலீசார் சிசிடிவி காட்சிகளை கைப்பற்றி ஆய்வு செய்து வருகின்றனர்.