ஸ்கூட்டரில் பட்டாசு எடுத்துச் சென்ற நபர் உடல் சிதறி பலி!

ஆந்திராவில், தீபாவளி பண்டிகையை கொண்டாட ஸ்கூட்டரில் பட்டாசு எடுத்துச் சென்ற நபர் உடல் சிதறி பலியானார்.

Advertisement

ஆந்திர மாநிலம் ஏழூரை சேர்ந்த சுதாகர் என்பவர், தீபாவளி பண்டிகைக்காக பட்டாசுகளை வாங்கி குவித்துள்ளார். அதனை ஸ்கூட்டரில் அவர் வீட்டுக்கு எடுத்துச் சென்ற போது, வழியில் ஸ்கூட்டர் பள்ளத்தில் கவிழ்ந்து திடீர் விபத்துக்குள்ளானது.

இதில், பட்டாசுகள் பயங்கர சத்தத்துடன் வெடித்ததில், சுதாகர் உடல் சிதறி பரிதாபமாக உயிரிழந்தார். சம்பவத்தின்போது, அருகில் இருந்த சாய் சசி, சீனிவாச ராவ், சுரேஷ் மற்றும் சதீஷ் ஆகிய 5 பேர் பலத்த காயமடைந்தனர்.

தகவல் அறிந்து சம்பவ இடத்திற்கு சென்ற போலீசார், காயமடைந்தவர்களை மீட்டு சிகிச்சைக்காகவும், பலியான நபரின் உடலை கைப்பற்றி பிரேத பரிசோதனைக்காகவும் மருத்துவனைக்கு அனுப்பி வைத்தனர். இந்த விபத்து தொடர்பான சிசிடிவி காட்சி வெளியாகி அதிர்ச்சியை ஏற்படுத்தியுள்ளது.