The Sabarmati Report திரைப்படம் பார்த்த பிரதமர் மோடி - படக்குழுவினருக்கு பாராட்டு!

டெல்லியில் 'தி சபர்மதி ரிப்போர்ட்' திரைப்படத்தைப் பார்த்த பிரதமர் மோடி, படக் குழுவினரைப் பாராட்டினார்.

கடந்த 2002-ஆம் ஆண்டு நடைபெற்ற கோத்ரா ரயில் எரிப்பு சம்பவத்தை அடிப்படையாகக் கொண்டு உருவாக்கப்பட்ட ‘தி சபர்மதி ரிப்போர்ட்’ திரைப்படத்தை தீரஜ் சர்ணா இயக்கியுள்ளார்.

விக்ராந்த் மாஸ்ஸி, ராஷி கண்ணா உள்ளிட்ட பலர் நடித்துள்ள இப்படம், கடந்த நவம்பர் 15-ஆம் தேதி திரையரங்குகளில் வெளியானது. நாடாளுமன்றத்தில் உள்ள பாலயோகி ஆடிட்டோரியத்தில் திரையிடப்பட்ட ‘தி சபர்மதி ரிப்போர்ட்’ திரைப்படத்தை பிரதமர் நரேந்திர மோடி பார்த்தார்.

திரைப்படத்தைக் காண வருகை தந்த பிரதமர் மோடியை, மத்திய அமைச்சர்கள் அஸ்வினி வைஷ்ணவ், கிரண் ரிஜிஜூ உள்ளிட்டோர் வரவேற்று அழைத்துச் சென்றனர். மத்திய அமைச்சர்கள் அமித்ஷா, ராஜ்நாத் சிங் உள்ளிட்டோருடன் சேர்ந்து பிரதமர் மோடி இப்படத்தைப் பார்த்தார்.

இதுகுறித்து தனது எக்ஸ் தளப் பக்கத்தில் பதிவிட்ட பிரதமர் மோடி, ‘தி சபர்மதி ரிப்போர்ட்’ திரைப்பட தயாரிப்பாளரின் முயற்சியை பாராட்டுவதாகத் தெரிவித்துள்ளார்.

தான் நடித்த ‘தி சபர்மதி ரிப்போர்ட்’ திரைப்படத்தை, பிரதமர் மோடியுடன் சேர்ந்து பார்த்தது தனது வாழ்வின் பொன்னான தருணம் என்று, நடிகர் விக்ராந்த் மாஸ்ஸி நெகிழ்ச்சி தெரிவித்துள்ளார்.